Mae’r adroddiad hwn yn bwrw golwg ar effeithiolrwydd hyfforddiant rhagfarn ddiarwybod.
Mae’n gwneud argymhellion ar gyfer cyflogwyr, llunwyr polisi a gweithwyr proffesiynol adnoddau dynol i ddefnyddio hyfforddiant yn effeithiol yn y gweithle i greu gweithleoedd mwy cynhwysol.
Rhagfarnau diarwybod yw’r safbwyntiau a’r barnau nad ydym yn ymwybodol ohonynt. Maen nhw’n effeithio ar ein hymddygiad o ddydd i ddydd ac wrth i ni wneud penderfyniadau. Caiff ein rhagfarnau diarwybod eu dylanwadu gan ein cefndir, diwylliant a phrofiad personol.
Nod hyfforddiant rhagfarn ddiarwybod yw cynyddu ymwybyddiaeth o ragfarn ddiarwybod a’i effaith ar bobl â nodweddion gwarchodedig. Yn aml defnyddir yr hyfforddiant yn y gweithle i leihau’r rhagfarn hwn a lleihau ymddygiad ac agweddau gwahaniaethol.