Cynllun cymorth cyfreithiol

Mae canran uchel o bobl lleiafrif ethnig ym Mhrydain wedi dioddef rhagfarn a gwahaniaethu. Mae sefydliadau hefyd, dro ar ôl tro, yn methu gwarchod aelodau’r cyhoedd rhag dioddef aflonyddu a sarhad hiliol.   

Rydym am wella deilliannau i ddioddefwyr gwahaniaethu ac aflonyddu hiliol.

Rydym hefyd am i bob cyflogwr a gwasanaeth cyhoeddus ddeall eu cyfrifoldebau a’r hyn yw’r canlyniadau am beidio â dilyn y gyfraith.  

Os ydych chi wedi profi gwahaniaethu a heb gael cyngor cyfreithiol, cysylltwch â’r Gwasanaeth Cynghori a Chymorth Cydraddoldeb (EASS) fydd yn trafod eich cwyn â chi. Byddant yn darparu gwybodaeth, cyngor a chymorth ac efallai yn eich cynorthwyo i ddod o hyd i gyfreithiwr all wneud cais i’r gronfa.

Gall ymarferwyr cyfreithiol bellach wneud cais hefyd am gymorth tuag at achosion eu cleientiaid gan ddefnyddio’r ffurflen gais.

Pan wnaeth Sandeep a Reena Mander gais i fabwysiadu babi, dywedwyd wrthynt y byddai cyplau Gwyn yn cael blaenoriaeth. Gwnaethom gefnogi’u hachos cyfreithiol a dyfarnodd y llys eu bod wedi dioddef gwahaniaethu.

Yn 2017, cychwynnom brosiect i fynd i’r afael â bwlio a gwahaniaethu yn seiliedig ar hunaniaeth ym myd addysg.

Gall enghreifftiau o’r gwahaniaethu hyn gynnwys:

• myfyrwyr anabl heb gael cynnig cyrsiau rhan amser fel addasiad rhesymol
• gwahardd nifer llawer uwch o ddisgyblion hil benodol

Yn sgil y prosiect hwn cawsom ein harwain at achos Ruby. Cymrodd Ruby ei hysgol i’r llys ar ôl i’r ysgol orfodi polisi gwisg ysgol a oedd yn gwahardd gwallt Afro trwchus.

Pan na wnaeth yr ysgol ymateb i’r hawliad, cyflwynodd y llys ddyfarniad diffyg ystyriaeth o blaid y disgybl a chytunodd y teulu â chytundeb.  

Ariannom yr achos drwy’r llys a sicrhau cytundeb gyda’r ysgol a oedd yn rhwymo’n gyfreithiol. Roedd rhaid i’r ysgol ddod â’r polisi gwahaniaethu i ben a rhaid iddynt ystyried ffactorau megis hil a chrefydd wrth bennu beth yw steil gwallt ‘rhesymol’.  

Heriom weithredwyr trafnidiaeth i sicrhau eu bod yn cyflawni’u cyfrifoldebau cyfreithiol, fel ei fod yn gweithredu fel rhybudd i eraill.

Mae cyllid ar gyfer achosion newydd bellach wedi dod i ben, ond gwnawn o hyd ystyried ceisiadau gan gynrychiolwyr cyfreithiol ar gyfer achosion sydd efallai’n bodloni ein blaenoriaethau busnes a’r meini prawf yn ein polisi cyfreithia strategol.

Os ydych yn gynrychiolydd cyfreithiol ac am gysylltu â ni am broblem, ymwelwch â’n tudalen cysylltau.

Os ydych wedi dioddef gwahaniaethu ac nid ydych wedi cael cyngor cyfreithiol, gallwch gysylltu â’r Gwasanaeth Cynghori a Chymorth Cydraddoldeb (EASS) am wybodaeth, cyngor a chymorth.