Cytuniad hawliau dynol rhyngwladol yw’r CRPD a fabwysiadwyd yn 2006. Cytunodd y DU i’w ddilyn yn 2009.
Drwy ddilyn y CRPD, mae’r DU yn cytuno i amddiffyn a hyrwyddo hawliau dynol pobl anabl, gan gynnwys:
- cael gwared â gwahaniaethu ar sail anabledd
- galluogi pobl anabl i fyw’n annibynnol yn y gymuned
- sicrhau system addysg cynhwysol
- sicrhau bod pobl anabl yn cael eu hamddiffyn rhag pob ffurf o gam-fanteisio, trais a chamdriniaeth
Traciwr hawliau dynol
Traciwr hawliau dynol
Defnyddiwch ein traciwr hawliau dynol i ddod o hyd o bob argymhelliad y CU ar gyfer CRPD a chytuniadau eraill. Mae gan y dudalen CRPD wybodaeth benodol ar sut y caiff ei fonitro ac os yw’r DU yn bodloni safonau rhyngwladol.
Sut mae’r DU yn ei wneud
Sut mae’r DU yn ei wneud
Archwiliodd y CU ddiwethaf ar ba mor dda mae’r DU yn rhoi’r cytuniad ar waith ym mis Awst 2017 a chyhoeddi’i argymhellion. Roedd y rhain yn cynnwys:
- cydnabod a gorfodi hawl pobl anabl i fyw’n annibynnol, cael eu cynnwys yn y gymuned, a dewis ble maen nhw’n byw a gyda phwy
- sicrhau bod polisiau nawdd cymdeithasol yn diogelu incwm pobl anabl a’u teuluoedd, gan ystyried y costau ychwanegol a ddaw gydag anabledd
- dileu rhwystrau i sicrhau y gall pobl anabl gael mynediad i waith gweddus a chyflog cyfartal
- gweithredu i ymladd yn erbyn unrhyw stereoteipiau gwahaniaethol neu negyddol neu ragfarn yn erbyn pobl anabl yn gyhoeddus ac yn y cyfryngau
- sicrhau bod gan bobl anabl hawliau cyfartal i gyfiawnder drwy ddarparu cyngor a chymorth cyfreithiol priodol
- cynnwys pobl anabl a sefydliadau pobl anabl wrth gynllunio a rhoi holl gyfreithiau a pholisïau sydd yn effeithio ar bobl anabl ar waith
- ymgorffori CRPD i gyfraith ddomestig i sicrhau y gall pobl gyflwyno achos cyfreithiol os torrir eu hawliau
Ein gwaith ar y CRPD
Ein gwaith ar y CRPD
Mae’r gwaith diweddaraf a wnaed gennym fel rhan o’n monitro CRPD yn cynnwys:
- adroddiad wedi’i ddiweddaru ar gyfer Pwyllgor y CU ar Hawliau Personau ag Anableddau, gan nodi cynnydd y DU ar argymhellion y CU (Hydref 2018)
- papur briffio i roi golwg cyffredinol ar y pryderon am ddiffyg cynnydd y llywodraeth o ran amddiffyn hawliau pobl anabl (Mehefin 2018)
- adroddiad o’r enw ‘Pa mor dda mae’r Deyrnas Unedig yn perfformio ar hawliau anabledd?’ (Ionawr 2018)
- cyflwyniad wedi’i ddiweddaru i Bwyllgor y CRPD gan roi 130 o argymhellion ar gyfer newid (Awst 2017)
- canllaw i helpu pobl anabl i wybod eu hawliau o dan y confensiwn (Gorffennaf 2017)
- cyflwyniad cychwynol i Bwyllgor y CRPD gan Fecanwaith Annibynnol y DU, gan gynnwys y pedwar comisiwn cydraddoldeb a hawliau dynol yn y DU (Chwefror 2017)
- cyflwyniad i hysbysu’r CRPD ar hawliau anabledd yng Nghymru (Chwefror 2017)
- cyflwyniad i hysbysu’r CRPD ar hawliau anabledd yn Lloegr (Chwefror 2017
Diweddarwyd ddiwethaf: 21 Jan 2020