Ymchwiliad Hawliau Dynol
View this page in English
Rydym yn cynnal ymchwiliad i ganfod sut mae hawliau dynol yn gweithio ym Mhrydain, yn unol â’n pwerau o dan adran 16 Deddf Cydraddoldeb 2006. Lansiwyd yr ymchwiliad ar 21 Ebrill 2008 ac rydym yn disgwyl cwblhau’r broses erbyn mis Rhagfyr.
dolen RSS: Ymchwiliad Hawliau Dynol
On this page
Diben yr ymchwiliad
O safbwynt y Comisiwn, mae’r ymchwiliad hwn yn cynrychioli man cychwyn ar gyfer ein gwaith ar hawliau dynol. Ein nodau ar gyfer y gwaith hwn yw:
-
hyrwyddo dealltwriaeth o bwysigrwydd hawliau dynol
-
annog arferion da mewn perthynas â hawliau dynol
-
hyrwyddo ymwybyddiaeth, dealltwriaeth a diogelu hawliau dynol, ac
-
annog awdurdodau cyhoeddus i gydymffurfio â’r Ddeddf Hawliau Dynol (adran 9 y Ddeddf Cydraddoldeb).
Gobeithiwn erbyn diwedd yr ymchwiliad y bydd gennym ni:
-
set o ganlyniadau dibynadwy am gyflwr hawliau dynol ym Mhrydain, ac
-
argymhellion ar sut i ddatblygu’r agenda hawliau dynol.
Back to top^
Casglu tystiolaeth
Byddwn yn casglu tystiolaeth ar gyfer yr ymholiad drwy ddefnyddio nifer o ddulliau. Byddwn yn galw am dystiolaeth gan unigolion, sefydliadau a darparwyr gwasanaeth, yn seiliedig ar eu profiadau, yn gadarnhaol ac yn negyddol. Rydym yn comisiynu ymchwilio ar feysydd penodol yr ydym wedi nodi y bydd yn gymorth i’r ymholiad.Rydym, hefyd yn disgwyl defnyddio dulliau eraill, fel paneli ymholi er mwyn clywed tystiolaeth gan dystion.
Mwy am gasglu tystiolaeth
Back to top^
Cylch gorchwyl
Rydym wedi ymgynghori â phobl am gylch gorchwyl yr ymchwiliad hwn. Mae ‘cylch gorchwyl’ yn golygu amcanion a chwmpas yr ymchwiliad.
Darllenwch y cylch gorchwyl.
Back to top^
Sut fydd yr ymchwiliad yn cael ei gynnal?
Rydym ni wedi penodi’r Fonesig Nuala O'Loan i gadeirio’r ymchwiliad. Bu’n gweithio fel Ombwdsmon yr Heddlu yng Ngogledd Iwerddon am gyfnod, ac mae ganddi brofiad o arwain ymchwiliadau eraill. Mwy am y Fonesig Nuala O'Loan.
Francesca Klug fydd y comisiynydd arweiniol sy’n cynrychioli’r Comisiwn. Byddwn yn cyhoeddi pa gomisiynwyr eraill fydd yn cymryd rhan yn yr ymchwiliad maes o law.
Dim ond yng Nghymru a Lloegr fydd yr ymchwiliad i gychwyn. Unwaith mae Comisiwn Hawliau Dynol yr Alban yn weithredol, rydym yn gobeithio ymestyn yr ymchwiliad i’r Alban.
Bydd yr ymchwiliad yn edrych ar:
-
agweddau’r cyhoedd tuag at y Ddeddf Hawliau Dynol
-
sut mae’r Ddeddf Hawliau Dynol yn gweithio
-
sut mae’n cael ei defnyddio gan awdurdodau cyhoeddus a sefydliadau eraill lle bo’n briodol.
Darllenwch ein datganiad am lansiad yr ymchwiliad.
Back to top^